«Փաստ» օրաթերթը գրում է, որ նախընտրական հավաստիացումները գյուղացուն աջակցելու մասին հերթական անգամ չեն իրականանում։ Թերթի փոխանցմամբ, էկոնոմիկայի նախարար Գևորգ Պապոյանը հայտարարել է, որ լոգիստիկան թանկ է, աշխարհագրական հեռավորությունը մեծ, և եվրոպական շուկան անհարմար է հայկական գյուղատնտեսական արտադրանքի համար։
Աղբյուրը նշում է, որ Եվրոպայում որոշ դեպքերում հայկական միրգն ու բանջարեղենը վաճառվում են 2–3 անգամ ավելի էժան, քան Ռուսաստանում։
«Փաստ»-ի տեղեկություններով, խոշոր տնտեսություններում կուտակված բերքը չիրացվելու պատճառով փչանում է։ Շուտով մեկնարկում է ծիրանի և այլ մրգերի սեզոնը, և թերթը հարցադրում է անում՝ ինչ լուծումներ է առաջարկվելու։
