Ինչպես հայտնում է Shamshyan.com-ը, Բազումի լեռնաշղթայի անտառներում առաջացած խոշոր հրդեհը մարելու ժամանակ 2 հրշեջ- փրկարար այրվածքներ են ստացել, որոնցից մեկը մահացել է, իսկ մյուսին՝ 28-ամյա Էդգար Գրիգորյանին, այս պահին տեղափոխում են Վանաձորի հիվանդանոց:
Դեպքի վայր է ժամանել անձամբ Արտակարգ իրավիճակների նախարար Ֆելիքս Ցոլակյանը, ով նաև կապ է հաստատել Առողջապահության նախարար Արսեն Թորոսյանի հետ:
Քիչ առաջ վիրավորին, ում օպերատիվորեն առաջին բուժօգնությունն են ցուցաբերել Վանաձորի հիվանդանոցի բժիշկները, սանավիացիայի ուղղաթիռով տեղափոխվեց Երևան:
Կայքը հայտնում է, որ մահացածը Գուգարքի հրշեջ-փրկարարական ջոկատի հրշեջ-փրկարար, փրկարար ծառայության սերժանտ, 22-ամյա Սամվել Վարդանի Դեվելյանն էր, վիրավորն էլ նույն հրշեջ-փրկարարական ջոկատի հրշեջ-փրկարար, փրկարար ծառայության սերժանտ Էդգար Իշխանի Գրիգորյանն է:
Այս պահին Լոռու մարզային փրկարարական վարչությունում խորհրդակցություն է անցկացնում ԱԻ նախարար Ֆ. Ցոլակյանը, որին ներկա են փրկարար ծառայության տնօրենի ժամանակավոր պաշտոնակատար, փրկարար ծառայության գեներալ-մայոր Վրեժ Գաբրիելյանը, փրկարար ծառայության կադրերի վարչության պետ, փրկարար ծառայության մայոր Հակոբ Խաչատրյանը, Լոռու մարզպետ Անդրեյ Ղուկասյանը և Լոռու մարզի փրկարար վարչության պետ, փրկարար ծառայության գնդապետ Սերոբ Գաբրիելյանը:
Մանրամասները՝ սկզբնաղբյուր կայքում