Թբիլիսիում Ազատության հրապարակի մոտ՝ «Պարագաֆ» հյուրանոցի հարակից տարածքում «գործակալների օրենքի» դեմ բողոքող ցուցարաները երթով շարժվում են դեպի իշխող «Վրացական երազանք» կուսակցության կենտրոնական գրասենյակ:
Տեղում աշխատող «Ալիք Մեդիա Վրաստան»-ի նկարահանող խմբի փոխանցմամբ՝ Թբիլիսիի Ռուսթավելի պողոտայում հավաքված ցուցարարները միացել են Ազատության հրապարակում հավաքվածներին:
«Պարագրաֆ» հյուրանոցի մոտ ոստիկանները ձերբակալել են «գործակալների օրենքի» դեմ բողոքի ակցիայի մասնակիցներից մեկին։ Ինչպես ավելի ուշ պարզաբանել է Թբիլիսիի պարեկային ոստիկանության պետ Վաժա Սիրաձեն, ձերբակալվել է ոստիկաններին վիրավորելու համար։
«Վրացական երազանքի» գրասենյակի մոտ, որտեղ երթով ընթանում են հանրահավաքի մասնակիցները, ոստիկանության հատուկ մոբիլիզացիա է։ Ցուցարարներից ոմանք արդեն հասել են գրասենյակ, վանկարկում են՝ «ստրուկներ»։
Աղբյուրը՝ Aliq.ge
