Հայաստանի կառավարությունը նախաձեռնել է առաջիկայում հետ վերցնել մի քանի պաշտոնաթող գեներալներից «գոլդ» համարանիշները, այդ մասին տեղեկացնում է Պետական վերահսկողական ծառայության պետ Դավիթ Սանասարյանը։
«Պետական վերահսկողական ծառայության ուսումնասիրության արդյունքում բացահայտված և օրենքով սահմանված կարգով ՀՀ վարչապետին զեկուցված հարցը արագ ընթացք ստացավ. ՀՀ ոստիկանության կողմից ձեռնարկվում են միջոցներ մի շարք պաշտոնաթող գեներալներից հետ հավաքել ապօրինի հրամանով նրանց տրված գոլդ համարանիշերը։
Ոստիկանության և այլ իրավապահ մարմինների հետ համագործակցությամբ փակելու ենք հայտնի արտոնյալների դարաշրջանը…», – իր ֆեյսբուքյան էջում գրել է Սանասարյանը։
Խոսքը նաև ՀՀ նախկին ոստիկանապետ, գեներալ-մայոր Վլադիմիր Գասպարյանի մասին է։
