հատուկ ներկայացուցիչներ Ռուբեն Ռուբինյանի և Սերդար Քըլըչի հանդիպումից հետո Թուրքիան կրկին շտապել է նախապայմաններով խոսել Հայաստանի հետ կրկնելով իր դիրքորոշումը, որ Հայաստանի և Թուրքիայի միջև հարաբերությունների կարգավորումը, սահմանի բացումը հնարավոր է Հայաստանի և Ադրբեջանի միջև ընթացող բանակցությունների իրենց համար ցանկալի ավարտից հետո։
Հանդիպումից հետո նման հայտարարությամբ է հանդես եկել, մասնավորապես, Թուրքիայի ԱԳ նախարար Հաքան Ֆիդանը։ Sabah թերթին տված հարցազրույցում Ֆիդանն ասել է․
«Ադրբեջանն ու Հայաստանը այժմ շարունակում են բանակցությունները հարաբերությունների կարգավորման ուղղությամբ։ Մենք պետք է գործողությունների սցենար պատրաստենք այդ բանակցությունների հաջող ավարտի դեպքում․ այն պարագայում, եթե դրանք դրական ավարտվեն։ Այժմ ամեն ինչ դրան է տանում։ Բանակցություններն ավարտվելուց հետո մենք կգործարկենք այդ սցենարը և անցակետը (Մարգարայի-խմբ․) կբացենք»,- ասել է Թուրքիայի ԱԳ նախարարը։
