Իր ուկրաինացի գործընկեր Վլադիմիր Զելենսկիի հետ հեռախոսազրույցի ժամանակ ԱՄՆ նախագահ Դոնալդ Թրամփն ասել է, որ կցանկանար տեսնել Ուկրաինայում պատերազմի ավարտը մեկ ամսվա ընթացքում։
Այս մասին հաղորդում է Axios-ը:
Զրույցը տեղի է ունեցել բարեկամական և դրական մթնոլորտում։
Զելենսկին շնորհակալություն է հայտնել Թրամփին օգնության համար և ասել, որ միայն ամերիկացի նախագահը կարող է ստիպել Ռուսաստանի առաջնորդ Վլադիմիր Պուտինին դադարեցնել պատերազմը։
«Զելենսկին այնուհետև ասել է, որ հույս ունի, որ պատերազմը կավարտվի այս տարի, իսկ Թրամփը պատասխանել է, որ պատերազմը չափազանց երկար է տևում, և ինքը կցանկանար, որ այն ավարտվի մեկ ամսվա ընթացքում», – պատմել է Axios-ի աղբյուրներից մեկը։
Սպիտակ տունը չի արձագանքել հրատարակության տարածած լուրը:
