Ես «դավաճան», «հողատու» չեմ ասել իրան, ոչ ոքից չեմ վախենում, եթե ասած լինեմ, բայց իրականում չեմ ասել. դատական նիստին հայտարարեց Տիգրան Դերմոյանը։
Նա մեղադրվում է վարչապետ Նիկոլ Փաշինյանի կնոջ՝ Աննա Հակոբյանի և նրա դստեր ներկայությամբ 2024 թվականի ապրիլի 24-ին՝ Ծիծեռնակաբերդի հուշահամալիրում «Ազգային ժողովրդավարական բևեռի» անդամների հետ «դավաճան», «հողատու» վանկարկումների համար։
«Մոտեցել եմ ախռանիկին ասել եմ՝ «ինչի՞ է իրավիճակը սրում, թող մոտենա ծաղիկները դնի, գնա»։ Ինքը կա գնացեք իրան հարցրեք։ Ինչ գրել տվել են, բերել են կարդում եք»,-ասաց նա։
Նա դատարանին հորդորեց՝ եթե իրեն մեղադրում են երեխայի ներկայությամբ հոգեբանական ազդեցություն գործելու համար, ապա պետք է նույն բանի համար մեղադրեն նաև Փաշինյանի կնոջը։
«Եթե ինձ մեղադում ես, մեղադրի իրան, էտ էրեխեն մեղկ չի՞, 10 րոպե ինչի են պահել էնտեղ։ Հոգական խանգարում իրա պատճառով կարա ստանա, 6 տարի մենք ենք հոգեկան խանգարում ստանում իրանց ձեռքը, դու ինձ ես մեղադրում հա՞»,-ասաց նա։
Նշենք, որ միջադեպից հետո 7 անձ ձերբակալվել էր, սակայն մեղադրանք է առաջադրվել միայն 68-ամյա Տիգրան Դերմոյանին։
