Այսօր՝ փետրվարի 10-ին, ավտովթար է տեղի ունեցել Կոտայքի մարզում։ Ժամը 17։40-ի սահմաններում Երևան-Սևան ավտոճանապարհի 10-րդ կմ հատվածում, ժողովրդին հայտնի Աբովյանի նախկին «Գայի պոստ»-ի դիմաց բախվել են Կոտայքի մարզի բնակիչներ 34-ամյա Վլադիմիր Դ․-ի վարած «Hyundai Sonata» մակնիշի, 27-ամյա Գուրգեն Գ․-ի վարած «Mercedes» մակնիշի և 34-ամյա Հովհաննես Զ․-ի վարած «Mercedes» մակնիշի ավտոմեքենաները։
Վթարի հետևանքով 1 հոգի տեղափոխվել է հիվանդանոց։
Վթարի փաստով Աբովյանի քննչական բաժնում նախաձեռնվել է քրեական վարույթ, որտեղ էլ պարզվում է վիրավորի ինքնությունը։
