44-օրյա պատերազմի մասնակցի՝ Իշխան Գեւորգյանի 72 ժամ տեւած նստացույցն ավարտվեց կառաավրության մոտ: Նա իր ընկերների հետ շուրջօրյա հերթապահություն կանցկացնի՝ Բագրատ Սրբազանին դիմավորելու համար: Այս մասին նա հայտնել է իր ֆեյսբուքյան էջում:
«Ավարտվեց իմ նստելու 72 ժամը:
Զորակցությունս բոլոր քաղբանտարկյալներին։
Ծանոթացա բազում իրական հայերի հետ, ովքեր նույնպես այս ամենի հետ հաշտ չեն:
Ժամը 3-ին իմացա, որ Բագրատ Սրբազանը Տավուշում պայքարող հայերի հետ գալու է Երևան:
Մենք որոշեցինք շուրջօրյա հերթափոխ սահմանել ու այստեղ ստեղծել այս իրավիճակի հետ անհաշտ մարդկանց անկյուն:
Հավաքվենք, մեր հաշտ չլինելը հայտնենք, քննարկենք այս վիճակից դուրս գալու ուղիները, վերջում դիմավորենք երթը` Բագրատ Սրբազանի առաջնորդությամբ:
Համեցեք ամեն օր նույն վայր:
#Եսհաշտչեմ:
Դու էլ հաշտ մի եղիր։
Հ.Գ. Պայքարը Շարունակվում է:
Տարածեք թող մարդիկ իմանա։
Այս գիշեր իմ ընկերներ Անդոն ու Արմանն են լինելու տեղում»։
