Եթե քաղաքային իշխանությունները հասկանան, որ 150 դրամով հավաքագրում են ավելի քիչ գումար, քան 100 դրամով, նահանջի քայլը տեղի է ունենալու: Այս մասին ԵՊՀ-ում իրականացրած ակցիայի ժամանակ ասաց Երևանի ավագանու «Մայր Հայաստան» խմբակցության անդամներից մեկը:
«Թույլ մի՛ տվեք, որ մտնեն ձեր ծնողների գրպանը, քաղաքային տրանսպորտը հանդիսանում է համայնքի գույք, որը գնվում է համայնքի բյուջեի միջոցով: Այդ բյուջեն էլ ձևավորում են ձեր ծնողները իրենց հարկերով: Այս թանկացումը ապօրինի է, հաշվարկները՝ կեղծ: Իրացրեք ձեր սահմանադրական իրավունքը և մի ամաչեք, բոյկոտեք»,- ասաց նա:
