Մարտի 27-ին Ադրբեջանի նախագահ Իլհամ Ալիևը և առաջին տիկին Մեհրիբան Ալիևան մասնակցել են օկուպացված հայկական Շուշիում վերակառուցված պարսկական Գովհար աղայի մզկիթի և աղբյուրի բացմանը։
Այս մասին հայտնում են ադրբեջանական ԶԼՄ-ները՝ երկրի ղեկավարի պաշտոնական կայքին հղումով:
Նշվում է, որ Ալիևները ծանոթացել են նաև հանրային սննդի օբյեկտներում ստեղծված պայմաններին, ինչպես քաղաքում ընթացող շինարակական աշխատանքներին:
Ավելի վաղ նրանք ներկա են գտնվել օկուպացված Ակնայի/ ադրբեջանական անունը՝ Աղդամ-խմբ./ շրջանի Սարիջալի գյուղի առաջին փուլի բացմանը, ծանոթացել կատարված աշխատանքներին և բացել բազմաֆունկցիոնալ վարչական շենք, որը կառուցվել է տեղական գործադիր կառույցների համար։
Բացի այդ, Ալիևները ծանոթացել են Սարիջալիում կառուցված առանձնատներում ստեղծված պայմաններին, մասնակցել մսուր-մանկապարտեզի և միջնակարգ դպրոցի շենքերի բացմանը, հանդիպել նոր տներ տեղափոխված բնակիչների հետ և նրանց հանձնել բնակարանների բանալիները։
