Ադրբեջանի ԱԳն խոսնակ Հաջիզադեն ասել է, թե անընդունելի է կասկածի տակ դնել այն, որ Հայաստանի Սահմանադրության մեջ, իբր, փոփոխություններ կատարելը լեգիտիմ պահանջ չէ․ «Եթե Ֆրանսիան իրապես աջակցում է խաղաղության համաձայնագրի շուտափույթ ստորագրմանը, ինչպես պնդում են, ապա պետք է Հայաստանին համապատասխան քայլեր ձեռնարկելու կոչ անեն»,- նշել է նա։
«Կտրականապես մերժում ենք Ֆրանսիայի Ազգային ժողովի արտաքին հարաբերությունների հանձնաժողովում Ադրբեջանի և Հայաստանի միջև խաղաղության գործընթացի մասին Ֆրանսիայի Եվրոպայի և արտաքին գործերի նախարար Ժան Նոել Բարրոյի արտահայտած պնդումները։
Մենք Ֆրանսիայից պահանջում ենք դադարեցնել խաղաղությանը չնպաստող քայլերը և հրաժարվել տարածաշրջանում իրավիճակն ապակայունացնող գործողություններից»,- նշվում է հաղորդագրության մեջ։
