Ապրիլի 3-ին աշխատանքային այցով Չեխիայում գտնվող ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի Հանրապետության ԱԳ նախարարի տեղակալ Յան Մարիանի հետ:
Հանդիպման ընթացքում կողմերն անդրադարձել են Հայաստան-Չեխիա երկկողմ հարաբերությունների օրակարգին առնչվող մի շարք հարցերի՝ ընդգծելով փոխադարձ հետաքրքրություն ներկայացնող ոլորտներում երկու երկրների միջև համագործակցության կարևորությունը:
Դավիթ Կարապետյանը և Յան Մարիանը քննարկել են նաև տարածաշրջանային հետաքրքրություն ներկայացնող հարցեր, այդ թվում ԵՄ շրջանակներում փոխգործակցությունը:
Այցի շրջանակներում գլխավոր քարտուղարը զրուցակցին է փոխանցել մայիսի 26-ից 27-ը Երևանում կայանալիք «Երևանյան երկխոսություն» երկրորդ համաժողովի հրավերը:
