«Ուզում եմ հիշեցնել, որ Հարավային Կովկասում տրանսպորտային հաղորդակցությունների ապաշրջափակման հետ կապված աշխատանքները վստահվել են վերահսկիչ փոխվարչապետերին: Հայաստանում այս հարցով զբաղվում է ոչ թե ձեր նշած պետական գործիչը, այլ մեկ ուրիշը: Անգամ չեմ ուզում մեկնաբանել կոնկրետ անձի կոնկրետ հայտարարությունը, հենց այն պատճառով, որ մենք ելնում ենք նրանից, որ դա նրա իրավասությունը չէ, ոչ թե մեր գնահատականից ելնելով, այլ Հայաստանի ղեկավարության գնահատականից ու ցուցումներից ելնելով»,- ասել է նա ամենշաբաթյա ճեպազրույցի ժամանակ։
Զախարովան նշել է, որ այս իսկապես կարևոր խնդիրը լուծելու համար, ամենաբարձր մակարդակով եռակողմ պայմանավորվածություններին համապատասխան, ստեղծվել է մասնագիտացված եռակողմ աշխատանքային խումբ՝ Հարավային Կովկասում տրանսպորտային և տնտեսական կապերը ապաշրջափակելու համար։
«Դրա շրջանակում մեծ աշխատանք է կատարվել փոխադարձության և ինքնիշխանության սկզբունքների հիման վրա: Բազմիցս մեկնաբանել ենք դա, մենք վստահ ենք, որ վերոհիշյալ խմբում լիարժեք համագործակցության հնարավորինս շուտ վերսկսումը կնպաստի Հարավային Կովկասի տրանսպորտային և լոգիստիկ համակարգի վերականգնմանը և թույլ կտա ինտեգրվել ավելի լայնածավալ սխեմաներին՝ ինչպես ամբողջ տարածաշրջանից, այնպես էլ ամբողջ Ասիայից, ինչպես նաև Հայաստանից և Եվրոպայից բեռնափոխադրումներ իրականացնելու համար», — ասել է Զախարովան:
