ՀՀ ԱԺ նախագահ Ալեն Սիմոնյանի նախագահությամբ գումարվել է ԱԺ խորհրդի արտահերթ նիստ: Այս մասին հայտնում են ՀՀ Ազգային ժողովի լրատվական ծառայությունից:
Քննարկվել և հաստատվել են Արևելյան գործընկերության խորհրդարանական վեհաժողովում «Եվրանեսթ», Սևծովյան տնտեսական համագործակցության խորհրդարանական վեհաժողովում (ՍԾՏՀԽՎ) և Եվրոպայի խորհրդի խորհրդարանական վեհաժողովում (ԵԽԽՎ) Ազգային ժողովի ութերորդ գումարման պատվիրակությունների կազմերը:
Ըստ այդմ «Եվրանեսթի» ԽՎ պատվիրակությունը կգլխավորի Մարիա Կարապետյանը, ՍԾՏՀԽՎ-ն Բաբկեն Թունյանը, իսկ ԵԽԽՎ հայկական պատվիրակության ղեկավարն է Ռուբեն Ռուբինյանը:
