Այսօր հոկտեմբերի 31-ին, սպանություն է տեղի ունեցել Երևանում: Ինչպես հայտնում է Shamshyan.com-ը, ժամը 13:50-ի սահմաններում ոստիկանության Էրեբունու բաժին ահազանգ է ստացվել, որ Սուվորովի փողոցի տներից մեկում կնոջ դի կա, իսկ մեկ հոգի էլ վիրավոր:
Ոստիկաններն ու քննիչները նշված տան խոհանոցում հատակին, հայտնաբերել են կնոջ դի: Փաստի առթիվ Էրեբունու քննչական բաժնում ՀՀ քր օր-ի 104 հոդվածի 1-ին մասի հատկանիշներով հարուցվել է քրեական գործ և ստեղծվել է քննչական խումբ: Պարեկային ծառայության ծառայողները նշված տնից հիվանդանոց են տեղափոխել մի տղամարդու:
Դեպքի վայրում հավաքված մի քանի քաղաքացիներ, ովքեր հրաժարվեցին տեսախցիկի առաջ խոսել, ասում էին.
«Պարեկները էդ տղամարդուն որ տարան, էդ տան ամուսինն էր: Կնոջը խեղդելով սպանել է, իսկ հետո իրեն ինքնավնասում արել: Եթե ոստիկաններն ու քնիիչները շուտ չգային, երևի ինքն էլ արնաքամ լիներ, մահանար: Բայց, թե ինչն է պատճառը եղել, որ նման դեպք է տեղի ունեցել, մեզ համար առեղծված է»:
Քննիչի որոշմամբ նշանակվել են մի շարք փորձաքննություններ, այդ թվում դիակի դատաբժշկական: Կայքի տեղեկություններով մահացածը նույն հասցեի բնակիչ, 46-ամյա Լուսինե Ք.-ն էր, իսկ պարեկների կողմից հիվանդանոց տեղափոխվածը նրա ամուսինն է 51-ամյա Արթուր Խ.-ն:
Մանրամասները սկզբնաղբյուր կայքում
