Դատական նիստից հետո փաստաբան Ռուբեն Մելիքյանը հայտարարեց՝ սա արդարության, իրավունքի հաղթանակ է։
«Այս գործը կյանքի իրավունք՝ իրավական տրամաբանության մեջ, չուներ։ Մաքուր քաղաքական հետապնդում էր, որը բացառապես պայմանավորված էր «Իմնեմնիմի» հաղորդման և անձամբ Նարեկ Սամսոնյանի ու Վազգեն Սաղաթելյանի ընդդիմադիր գործունեությամբ»,- ասաց փաստաբանը։
Նշենք, որ արդարացման վերդիկտը հրապարակեց Երևան քաղաքի առաջին ատյանի քրեական դատարանը (նախագահող դատավոր՝ Արման Հովհաննիսյան)։
Նարեկ Սամսոնյանն ու Վազգեն Սաղաթելյանն այս գործով ենթարկվել են երկամսյա բանտային կալանքի, որից հետո, մինչ օրս, նրանց նկատմամբ կիրառվել է խափանման միջոց վարչական հսկողություն։
