Արմատական ՀԱՄԱՍ շարժումը նամակ է հղել Պաղեստինի ազատագրման կազմակերպությանը, որում հայտարարել է Գազայի հատվածը Պաղեստինի ազգային վարչակազմի և կառավարական կոմիտեի վերահսկողությանը հանձնելու պատրաստակամության մասին։
Այս մասին հայտնում է Sky News Arabia հեռուստաալիքը՝ վկայակոչելով իր աղբյուրներին:
Նրանց խոսքով՝ միաժամանակ ՀԱՄԱՍ-ը պայման է առաջ քաշել, ըստ որի Գազայի պաշտոնյաները պետք է աշխատատեղերով ապահովվեն նոր վարչակազմում:
Նշվում է, որ արմատական կազմակերպությունն այս որոշումը կայացրել է Եգիպտոսի ուժեղ ճնշման ներքո՝ Կահիրեում իր պատվիրակության բանակցություններից հետո։
