Այսօր՝ նոյեմբերի 13-ին, խոշոր ավտովթար է տեղի ունեցել Արարատի մարզում։ Ժամը 18։00-ի սահմաններում Գոռավան գյուղում բախվել են «Mercedes Vaneo» մակնիշի և «ՎԱԶ 2106» մակնիշի ավտոմեքենաները։
Shamshyan-ի հաղորդմամբ՝ բախման հետևանքով «ՎԱԶ 2106»-ը մասամբ հայտնվել է երթևեկելի գոտուց դուրս, իսկ վթարի հետևանքով 2 հոգի մարմնական վնասվածքներով տեղափոխվել են «Վեդի» բժշկական կենտրոն, որտեղից էլ՝ «Էրեբունի» բժշկական կենտրոն։
Վթարի փաստով Վեդիի քննչական բաժնում նախաձեռնվել է քրեական վարույթ, որտեղ էլ պարզվում են վարորդների և վիրավորների ինքնությունը։
