«Գործելով սկզբունքներին և արժեքներին համապատասխան՝ Վարդանյանը վտանգել է ամեն ինչ հանուն Լեռնային Ղարաբաղի հայերի»,- ասել է Դավիթ Վարդանյանը։
Վարդանյանի որդին նշել է՝ հոր՝ Ռուբեն Վարդանյանի ձերբակալությունից ի վեր շատ քիչ տեղեկություններ են ունեցել նրա վիճակի, դատավարության մասին։
Հիշեցնենք՝ ավեի վաղ հայտնել էինք՝ Արցախի նախկին պետնախարար, Բաքվում գերեվարված Ռուբեն Վարդանյանին թույլ են տվել խոսել ընտանիքի հետ, նրանք խնդրել են դադարեցնել հացադուլը: Այդ մասին հայտնում են Վարդանյանի գրասենյակի մամուլի ծառայությունից․
«Ապօրինի ձերբակալված բարերար Ռուբեն Վարդանյանի ընտանիքը հաստատել է, որ նրան վերջապես թույլատրել են խոսել կնոջ՝ Վերոնիկայի հետ: Դա հնարավոր է դարձել այն բանի շնորհիվ, որ ամբողջ աշխարհում ավելի ու ավելի շատ մարդիկ ու կառավարություններ են տեղեկանում Պրն․ Վարդանյանի վիճակի մասին։ Ապրիլի 5-ին հացադուլի մեկնարկից գրեթե երեք շաբաթվա ընթացքում նա կարողացել է ընդամենը երկու անգամ զանգահարել ընտանիքին:
Տեղեկանալով հայ բանտարկյալներին ազատելու գլոբալ շարժման մասին և անսալով ընտանիքի խնդրանքներին՝ Ռուբեն Վարդանյանը դժկամությամբ համաձայնել է ընդհատել հացադուլը», – նշվել է հայտարարության մեջ։