ՀԱՊԿ երկրների շփումները Մոսկվայի համար ոչ բարեկամ երկրների հետ չպետք է վնասեն Ռուսաստանի հետ ռազմավարական գործընկերությանը. ՌԴ ԱԳՆ ՀԱՊԿ-ի շրջանակում Ռուսաստանի դաշնակիցների շփումները Մոսկվայի համար ոչ բարեկամ երկրների հետ չպետք է վնասեն ՌԴ-ի հետ ռազմավարական գործընկերությանը, ասել է ՌԴ ԱԳՆ տեղեկատվության և մամուլի վարչության փոխտնօրեն Իվան Նեչաևը մեկնաբանելով Դուշանբեում Միացյալ Նահանգների հովանու ներքո զորավարժությունների մեկնարկը։
«Մենք ելնում ենք նրանից, որ Ռուսաստանին ոչ բարեկամ երկրների հետ շփումները չպետք է վնասեն մեր երկրի հետ ռազմավարական գործընկերությանը, չհակասեն ընդհանուր ասոցիացիաների, այդ թվում ՀԱՊԿ-ի և ԵԱՏՄ-ի, ԱՊՀ-ի և ՇՀԿ-ի, գործող համաձայնագրերով ստանձնած պարտավորություններին»,-ասել է դիվանագետը։ Օգոստոսի 11-ին Դուշանբեում մեկնարկել են «Տարածաշրջանային համագործակցություն – 22» հրամանատարաշտաբային զորավարժությունները, որոնք կազմակերպել է ԱՄՆ Կենտրոնական հրամանատարությունը։ Դրանք կտևեն մինչև օգոստոսի 20-ը։
Աղբյուրը tert.am
