Հայաստանի ֆուտբոլի ֆեդերացիայի նախագահ Ռուբեն Հայրապետյանն այսօր ներկայացրեց հավաքականի նոր գլխավոր մարզիչ Արթուր Պետրոսյանին: Միջոցառումից հետո նա պատասխանեց լրագրողների հարցերին: Նրան հարց ուղղվեց վերջերս ՀՀ Սպորտի եւ երիտասարդության հարցերի նախարար Հրաչյա Ռոստոմյանի արած հայտարարության մասին: Նա նշել էր, որ պատրաստվում է ֆուտբոլի իսկական մասնագետներ հրավիրել ստեղծված իրավիճակից դուրս գալու համար: Հայրապետյանն այս հայտարարությանը կտրուկ մեկնաբանություն տվեց:
«Ես նրան խորհուրդ կտայի զբաղվել ատամնաբույժի գործով, դա նրա մոտ ավելի լավ է ստացվում: Եթե ՖԻՖԱ-ի կանոնակարգը կարդա, կիմանա, որ, եթե սպորտի նախարարությունը խառնվի ՀՖՖ գործերին, ապա ֆեդերացիային կորակազրկեն»,- ասաց նա:
Ինչպես հայտնի է, Սպորտի եւ երիտասարդության հարցերի նորանշանակ նախարարը մասնագիտությամբ ատամնաբույժ է: