Եվ վերջապես, Ապրիլյանից հետո, 2016-ի հոկտեմբերի 7-ին Ալիեւն էր բողոքում, որ իրեն ճնշում են ճանաչել Արցախի անկախությունը։ Սերժի ժամանակ նույնիսկ Ալիեւն էր խոսում Արցախի անկախությունից, իսկ այսօր Նիկոլն է հիմնավորում, որ Արցախն Ադրբեջանի մաս է։ Հիմա ձեր բերած պատերազմի ու աղետի մասին։ Նիկոլիզմն է 5.000 նահատակների պատասխանատուն։ Նիկոլն է Արցախի 75 տոկոսը՝ Շուշի ու Հադրութ տվել։ Նա է ասել «Ադրբեջանը կառուցողական է»։ Նա է ասել «սեփական զրոյական կետից» բանակցություն սկսելու մասին։ Նա է զենքը փոխարինել «կլուբնիկով»։ Նա է СУ-30 գնել առանց հրթիռների։
Նա է 44 օր խաբել ժողովրդին, թե հաղթում ենք։ Նա է պատերազմ հրահրել իր սադրիչ «Արցախը Հայաստան է եւ վերջ » թեզով։ Նա է 2020-ի հոկտեմբերի 19-ին մերժել Պուտինի պատերազմը կանգնեցնելու առաջարկը։ Նա է կանոնավոր բանակը սարքել «էրատո» ջոկատների PR-ի առարկա։ Նա է համաձայնվել Գորիս-Կապան ճանապարհը տրամադրել ադրբեջանցիներին։ Նա է լուռ համաձայնվել Բերձորի եւ Աղավնոյի հանձնմանն ու հայաթափմանը։ Նա է փաստացի հրաժարվել Արցախի ինքնորոշման իրավունքից։ Նա է իր անհեթեթ ու քաոսային քայլերով մեզ մոտեցնում ազգային նոր ու վերջնական խայտառակության։ Այսքանից հետո գոնե լռեք»։
Էդուարդ Շարմազանովի ֆեյսբուքյան էջից