ArmDaily.am-ի հետ զրույցում Ուկրաինայի Խարկով քաղաքի ՀՀ հյուպատոսի օգնական Համլետ Հովհաննիսյանն ասաց, որ իրավիճակը քաղաքում շարունակում է նույնը մնալ:
Ուկրաինական զինված ուժերը շարունակում են կատաղի դիմադրություն ցույց տալ ՌԴ զորամիավորումներին:
«Քաղաքի որոշ հատվածներում առաջվա պես շարունակվում են ռմբակոծությունները, իսկ Խարկովշինայում կան վայրեր, որտեղ համեմատաբար հանգիստ է ու ռմբակոծություններ տեղի չեն ունենում»,-ասաց Հովհաննիսյանը:
ՀՀ հյուպատոսի օգնականը նշեց, որ բնակչության շրջանում կամավորներն են կարիքավորներին սնունդ, ջուր և անհրաժեշտ դեղամիջոց բաժանում: