Ադրբեջանի արտաքին գործերի նախարար Ջեյհուն Բայրամովը, ով այցով գտնվում է Մալթայում, հանդիպում է ունեցել Եվրամիության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Կայա Կալասի հետ:
Այս մասին ԱՊԱ-ին հայտնել են արտաքին գործերի նախարարությունից:
Հաղորդվում է, որ կողմերը մտքեր են փոխանակել Ադրբեջանի և Եվրամիության միջև քաղաքական երկխոսության, փոխհարաբերությունների, էներգետիկ անվտանգության ոլորտում համագործակցության, ինչպես նաև ադրբեջանա-հայկական հարաբերությունների կարգավորման վերաբերյալ:
