«Ովքեր հայտարարում են, որ Հայաստանը այս վիճակից դուրս բերելու օրակարգ չկա՝ սխալվում են։ Եթե իրենք չունեն օրակարգ, դա դեռ չի նշանակում, որ ունեցողներ չկան։
Հայ ժողովուրդը կարող է և պարտավոր է ոտքի կանգնել, և դրա օրակարգը կա, պարզապես անհրաժեշտ է կամք, վճռականություն և իմաստություն՝ այն կյանքի կոչելու համար։
Իսկ օրակարգը հետևյալն է.
Ժողովրդի միավորում՝ հավասարության և արդարության տրամաբանությամբ, հանուն ազգային գաղափարների իրագործման։
Տնտեսության զարգացում, ռազմական բալանսի վերականգնում։
Արցախի հարցի վերադարձ՝ միջազգային քննարկման օրակարգ։
Հարաբերությունների հստակեցում և զարգացում՝ ինչպես Ռուսաստանի, այնպես էլ Եվրոմիության, ԱՄՆ-ի, հարևան երկրների և մնացած ուժային կենտրոնների հետ։
Ժամանակի ճիշտ օգտագործում, ինչը իրենից ենթադրում է՝ արտաքին հնարավոր սպառնալիքների չեզոքացում, մինչև դրանց կյանքի կոչվելը։
Աշխարհի ցանկացած ծայրում գտնվող յուրաքանչյուր հայ, պետք է զգա, որ ինքը պատասխանատու է իր հայրենիքի պաշտպանության և անվտանգության համար։ Եվ ամեն հայ, ուր էլ որ լինի, պետք է զգա, որ ինքը պետություն ունի, որն իր մեջքին կանգնած է։ Այս կապը պետք է լինի ամուր և անխախտ։
Այս պարզ, սակայն ֆունդամենտալ կետերի իրագործումը, հիմք կհանդիսանա Հայաստանն այս վիճակից դուրս բերելու համար։
Հայ ժողովուրդը կարող է ոտքի կանգնել և ապահովվել իր անվտանգությունն ու պաշտպանությունը, եթե ունենա համարձակ, հայրենասեր, նվիրված և իմաստուն ղեկավարություն։ Մեր նման պետության համար, որը գտնվում է չափազանց բարդ և վտանգավոր տարածաշրջանում, ուժեղ ղեկավարություն ունենալը՝ կենսական կարևոր նշանակություն ունի։
Հայ ժողովուրդը իր պատմության ընթացքում միշտ կորցրել է անուղեղ ղեկավարության երեսից և շահել՝ հզոր ղեկավարների առաջնորդությամբ»։
