Ռուսաստանի փոխարտգործնախարար Միխայիլ Գալուզինը մեկնաբանել է Հայաստանում Եվրամիությանն անդամակցելու մասին օրենքի ընդունումը: Նրա խոսքերը փոխանցում է Lenta-ն։
«Մենք համոզված ենք, որ անհնար է միաժամանակ լինել երկու բազմակողմանի միավորումներում, ինչպիսիք են ԵԱՏՄ-ն և ԵՄ-ն։ Պաշտոնական Երեւանը պետք է որոշի՝ որտեղ է ավելի լավ լինել», — պատմել է Գալուզինը։ Նա հավելել է, որ ԵԱՏՄ-ն իրավահավասար պետությունների միավորում է, իսկ Եվրամիությունը «փայտային» կարգապահությամբ կառույց է, որը ենթակա է հակառուսական նարատիվներին:
Գալուզինը նշել է, որ Հայաստանն ինքնիշխան պետություն է, որն ինքնուրույն է ընտրում իր զարգացումը, սակայն հույս է հայտնել, որ հայ հասարակությանը կպարզաբանվեն ԵՏՄ-ին անդամակցության բոլոր օգուտները:
