Դեկտեմբերի 14-ին, խոշոր ավտովթար է տեղի ունեցել Արագածոտնի մարզում։ Ժամը 21։10-ի սահմաններում Արագածոտնի մարզի բնակիչ՝ 30-ամյա Քնարիկ Զաքարյանը իր վարած BMW մակնիշի ավտոմեքենայով Աշտարակ-Թալին ավտոճանապարհի 4-րդ կմ հատվածում՝ «Արծվի թևեր»-ի հարևանությամբ, դեռևս անհայտ հանգամանքներում դուրս է եկել ճանապարհի երթևկեելի գոտուց, բախվել քարերին և մոտ 10 մետր գլորվելով՝ գլխիվայր հայտնվել ձորակում։
Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են Արտակարգ իրավիճակների նախարարության փրկարար ծառայության Աշտարակի թիվ 19 հրշեջ-փրկարարական ջոկատից 1 մարտական հաշվարկ։ Վթարի հետևանքով վարորդ Ք. Զաքարյանը օպերատիվորեն ժամանած «Աշտարակ» բժշկական կենտրոնի բժիշկների կողմից նա տեղում առաջին բուժօգնությունն է ստացել, ապա տեղափոխվել «Աշտարակ» բժշկական կենտրոն։
Բժիշկները նրա առողջական վիճակը գնահատել են բավարար։
