Սա առաջին օրը չէ, որ ՀԱՊԿ երկրները համատեղ պայքարում են հավաքագրողների դեմ, որոնք քաղաքացիներին ներգրավում են ահաբեկչական գործունեության մեջ։ Այս մասին ասել է ՌԴ նախագահի մամուլի քարտուղար Դմիտրի Պեսկովը։
Ռուսաստանի նախագահ Վլադիմիր Պուտինը հինգշաբթի օրը ՀԱՊԿ գագաթնաժողովում հայտարարեց «Վարձու» օպերացիայի իրականացման մասին, որի նպատակն է ճնշել հավաքագրումը և փակել ՀԱՊԿ երկրների քաղաքացիների համար միջազգային ահաբեկչական խմբավորումների գործունեությանը մասնակցելու ելքի ուղիները։
«ՀԱՊԿ անդամ երկրներում կան հավաքագրողներ, ովքեր փորձում են հավաքագրել մեր երկրների քաղաքացիներին՝ մասնակցելու ապօրինի ահաբեկչական խմբավորումներին և կազմավորումներին այլ տարածաշրջաններում, աշխարհի այլ երկրներում, նրանց հաջողվում է որոշ քաղաքացիների գայթակղել այս հանցավոր ճանապարհի վրա։ Անդամ երկրները միասին պայքարում են դրա դեմ։ Նրանք պայքարում են արդեն մի քանի օր»,- լրագրողներին բացատրել է Պեսկովը՝ խոսելով «Վարձու» գործողության մասին։
