Ոստիկանության բաժնից ազատ է արձակվել Ազգային անվտանգության պահեստազորի փոխգնդապետ Արամ Գրիգորյանը։
Այս մասին հայտնում է Ազգային ժողովի «Պատիվ ունեմ» խմբակցության պատգամավոր, «Հայրենիք» կուսակցության նախագահ Արթուր Վանեցյանը։
Ավելի վաղ նա հայտնել էր, որ ՀՀ քննչական կոմիտեի քննիչները խուզարկությություն են իրականցնում իր ընկեր Արամ Գրիգորյանի տանը:
«Արամը ազգային անվտանգության պահեստազորի փոխգնդապետ է, նա երբևէ օրենք չի խախտել, ողջ գիտակից կյանքը ծառայել է Հայաստանի Հանրապետությանը: Բացառիկ հայրենասեր և ազնիվ մարդ է:
Արամին կարող են մեղադրել միայն մեկ բանում, որ նա օր ու գիշեր հայ ժողովրդի հետ պայքարում է Հայաստանի, Արցախի և հայի ապագայի ու անվտանգության համար: Նման «հոդվածի» հատկանիշներով մեղադրանքը վստահ եմ պատիվ է ցանկացածի համար:
Արամ ջան, իմ հավատարիմ ընկեր գիտեմ, որ որևէ կերպ քեզ չեն կարող վախեցնել կամ հետ պահել պայքարից, վստահ եմ, որ այս ամենը մեզ ավելի ուժեղ է դարձնելու:
հ.գ. շինծու քրեական գործի հանգամանքներին կանրադառնամ ավելի ուշ»,-նշել էր նա:
Ավելի ուշ պարզ դարձավ, որ Արամ Գրիգորյանը բերման է ենթարկվել ու տարվել ոստիկանության Արաբկիրի բաժին։
