Ազգային ժողովի դեկտեմբերի 22-ին գումարվող արտահերթ նստաշրջանի օրակարգում, ԱԺ նախագահի որոշմամբ, ընդգրկվել են նոր նախագծեր՝ այդ թվում «Հայաստանի Հանրապետության 2023 թվականի պետական բյուջեի մասին» օրենքում լրացումներ կատարելու մասին» օրենքի նախագիծը․
Որոշման մեջ ասվում է․
«Հիմք ընդունելով Հայաստանի Հանրապետության կառավարության 2023 թվականի դեկտեմբերի 14-ի N 2147-Ա որոշման մեջ կատարված լրացումները` որոշում եմ.
«Հայաստանի Հանրապետության Ազգային ժողովի արտահերթ նստաշրջան գումարելու մասին» 2023 թվականի դեկտեմբերի 14-ի ՆՈ-37-Լ որոշման մեջ կատարել լրացումներ եւ արտահերթ նստաշրջանի օրակարգում ընդգրկել ««Հայաստանի Հանրապետության 2023 թվականի պետական բյուջեի մասին» օրենքում լրացումներ կատարելու մասին» օրենքի նախագիծը, ««Տեղեկատվական տեխնոլոգիաների ոլորտի պետական աջակցության մասին» օրենքում փոփոխություններ եւ լրացում կատարելու մասին» եւ «Հայաստանի Հանրապետության հարկային օրենսգրքում փոփոխություն կատարելու մասին» (առաջին ընթերցում, երկրորդ ընթերցում) օրենքների նախագծերի փաթեթը եւ ««Ինտերնետով հրապարակային եւ անհատական ծանուցման մասին» օրենքում լրացում կատարելու մասին» եւ կից ներկայացված օրենքների նախագծերի փաթեթը (առաջին ընթերցում)»։
