Իրանի համար կարևոր է Հարավային Կովկասի անվտանգությունը:
Այս մասին ճեպազրույցի ժամանակ հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային՝ անդրադառնալով երկրի Անվտանգության խորհրդի քարտուղար Ալի Ահմադիանի՝ Ադրբեջան և Հայաստան կատարած այցերին, փոխանցում է Tasnim-ը։
«Պարոն Ահմադյանի այցը Բաքու և Երևան նախապես ծրագրված էր: Մեր հարաբերությունները Ադրբեջանի և Հայաստանի հետ կարևոր են: Մեզ համար կարևոր է Հարավային Կովկասի անվտանգությունը, և մենք ամեն ինչ կանենք այս կարևոր տարածաշրջանում անվտանգությունն ամրապնդելու համար», – ասել է Բաղային:
Նա նշել է, որ անվտանգությունը պետք է ապահովեն տարածաշրջանի երկրները՝ առանց արտաքին միջամտության։
