ԱՄՆ նախագահի հատուկ բանագնաց Սթիվ Վիտկովը Վաշինգտոնին զեկուցել է Մոսկվայում Ռուսաստանի իշխանությունների հետ բանակցությունների ընթացքի մասին։
Այս մասին Fox News հեռուստաալիքի եթերում հայտարարել է Դոնալդ Թրամփի ազգային անվտանգության հարցերով խորհրդական Մայք Ուոլցը։
«Նա այնտեղ տեղեկատվություն էր փոխանցում, որպեսզի մենք կարողանանք գնահատել իրավիճակը և նախագահ Թրամփը կարողանա որոշել հետագա քայլերը», — ասել է նա:
ՌԴ նախագահի օգնական Յուրի Ուշակովը հայտնել է, որ Վիտկովը եկել է Ռուսաստան՝ քննարկելու ոչ միայն ուկրաինական հարցը, այլև Ռուսաստանի և ԱՄՆ-ի երկկողմ հարաբերությունները։ Բացի այդ, Ռուսաստանի ղեկավարի օգնականը նշել է, որ ԱՄՆ նախագահի հատուկ բանագնացը միջնորդ չէ Վաշինգտոնի և Մոսկվայի միջև բանակցություններում։
