Իրանի ԱԳՆ պաշտոնական ներկայացուցիչ Էսմայիլ Բաղային արձագանքել է իրանական նավի վրա Ուկրաինայի վերջին հարձակմանը, որի հետևանքով Իրանի մի քանի քաղաքացիներ են զոհվել և վիրավորվել, հաղորդում է IRNA-ն:
Բաղային հայտարարել է, որ «բոլոր կողմերը, որոնք այս կամ այն կերպ իրենց համարում են ուկրաինական ռեժիմի կողմնակիցները և հովանավորները, անասկած, դրա համար պետք է պատասխանատվություն կրեն»:
«Ուկրաինայի նախագահի վարքագիծն, ըստ էության, հիշեցնում է Առաջին աշխարհամարտի նախօրեին ցուցադրական և ծայրահեղ վտանգավոր քայլեր ձեռնարկող անարխիստների գործողությունները, որոնց հետևանքները ազդեցին ամբողջ Եվրոպայի վրա»,- նշել է նա:
Ընդգծելով, որ Իրանը չի միջամտում Ուկրաինայի և Ռուսաստանի միջև հակամարտությանը՝ ԱԳՆ ներկայացուցիչը նշել է, որ «Ուկրաինայի գործողությունները լիովին ապօրինի են, անհիմն, հակասում են ՄԱԿ-ի Կանոնադրությանը և վտանգավոր արկածախնդրություն են, որոնք, անասկած, Իրանն անպատասխան չի թողնի»:
«Զելենսկու ավագ հովանավորները, անասկած, պետք է զսպեն նրան և զգուշություն ցուցաբերեն, քանի որ ուկրաինական ռեժիմի գործողությունները կարող են հետևանքներ ունենալ աշխարհի տարբեր տարածաշրջանների համար»,- նախազգուշացրել է նա:
