Հայաստանի Հանրապետության նախագահ Վահագն Խաչատուրյանը ԱՄԷ աշխատանքային այցի շրջանակներում այցելել է Աբու Դաբիի Սրբոց Նահատակաց եկեղեցի և հանդիպել Արաբական Միացյալ Էմիրությունների, Կատարի և Շրջակայից Հայոց Թեմի Առաջնորդ Գերշ. Տէր Մեսրոպ Արք. Սարգիսեանի և համայնքի ներկայացուցիչների հետ:
Այցի ընթացքում անմիջական մթնոլորտում նախագահ Խաչատուրյանը ծանոթացել է համայնքի գործունեությանը:
Զրույցի ընթացքում քննարկվել են հայաստանյան և տարածաշրջանային արդի իրողությունները: Հանդիպման ժամանակ կարևորվել է հայ համայնքի դերը ազգային ինքնության պահպանության, նաև Հայաստան-ԱՄԷ հարաբերությունների զարգացման գործում:
