«Զանգել ենք, ամեն ինչ արել ենք՝ մեկը չի բարեհաճում գալ։ Մի՞թե դառաք «ցարի բոգ», ինչպե՞ս կարելի է վեր կենալ, գալ, ասում են՝ 35 հոգով դուք վեր կացեք, եկեք։ Թատրոնը 100 աշխատակից ունի։ Ձեր արարքից երևում է, որ ձեզ պետք չեն լավ աշխատող մարդիկ։ Ձեզ պետք են մարդիկ, որ դուք ինչ ասեք, իրենք անեն»: Այս մասին լրագրողների հետ զրույցում ասաց Պատանի հանդիսատեսի թատրոնի դերասան. Հայաստանի ժողովրդական արտիստ Արմեն Սանթրոսյանը, ով Պատանի հանդիսատեսի թատրոնի դերասանների հետ գործադուլ է անում՝ իրենց դժգոհությունը հայտնելով Երևանի քաղաքապետարանի որոշման դեմ, որով թատրոնի տնօրեն Էմին Թորոսյանը հեռացվել է պաշտոնից, նշանակվել է տնօրենի պաշտոնակատար։
Իմ կարծիքով, իրենց պահանջներին մեր տնօրենը հակադրվել է։
Դերասան, ՀՀ վաստակավոր արտիստ, Երևանի Պատանի հանդիսատեսի թատրոնի առաջատար դերասան Արտաշես Շահվերդյանի խոսքով, այս քաղաքականության նպատակը երևի թե քաղաքականությունն է. «Ես ինչ իմանամ՝ ինչ ծրագրեր ունեն այս մարդիկ»։
ՀՀ ժողովրդական արտիստ Հրաչյա Գասպարյանը նշեց. «Ինձ համար, իրոք, ամոթ երևույթ է այս ամենը, ինչ կատարվում է։ Ամոթ է այս մակարդակի մտածելը։
Ամաչում եմ, լուրջ ամաչում եմ, որ գործ ունենք ոչ գրագետ մարդկանց հետ, որոնք նույնիսկ չեն հասկանում՝ ինչ է թատրոնը, ինչպես կարելի է է հետը խոսել, վարվել։ Այդպես կոպիտ չի կարելի։ Ամոթ է»։
