Առնվազն 11 մարդ է զոհվել և 80-ը վիրավորվել Գերմանիայի Մագդեբուրգ քաղաքի Սուրբ Ծննդյան տոնավաճառում մեքենայի կողմից մարդկանց մեջ մխրճվելու հետևանքով:
Այս մասին հայտնում է Bild թերթը՝ հղում անելով իր աղբյուրներին։
Մահացածների ու վիրավորների թվի մասին տարբեր տեղեկություններ կան։
Ոստիկանությունը դեռ պաշտոնապես վարկածներ չի ներկայացրել։
Դեպքից անմիջապես հետո մեքենայի վարորդը բերման է ենթարկվել։ Die Welt-ը գրում է, որ նա ծնունդով Սաուդյան Արաբիայից է, ծնվել է 1974 թվականին:
Դեռևս հստակ տեղեկություններ չկան նաև նրա բնակության վայրի և քաղաքացիության մասին: Նշվում է, որ զոհերի թիվը կարող է աճել:
