Սագարեջոյի շրջանի Լամբալո գյուղում ապրող ադրբեջանցին սպանել է 14 տարեկան աղջկա, որը նրա կինն է եղել։ Անչափահաս աղջկա հետ ադրբեջանցին ապրել է չգրանցելով ամուսնությունը, իսկ աղջկան մի քանի ամիս առաջ առևանգել է։
Սպանությունը տեղի է ունեցել հարսանիքի ժամանակ, որին ադրբեջանցին մասնակցել է «կնոջ» հետ։ Հենց հարսանեկան արարողության ժամանակ էլ նա վերջ է տվել իր անչափահաս «կնոջ» կյանքին։
Փաստի առնչությամբ քրեական գործ է հարուցվել, 30-ամյա Ալիմ Սադիգովի նկատմամբ հետախուզում է հայտարարվել։
Դեպքին անդրադարձել է նաև Վրաստանի մարդու իրավունքների պաշտպանը։ Նա ընդգծել է, որ պետության կողմից անհրաժեշտ է ավել մեծ ուշադրություն ցուցաբերել վաղ ամուսնությունների կանխարգելման խնդրին։
Սպանության առնչությամբ ՄԻՊ-ը նշել է․ «14-ամյա աղջկան ազատությունից ապօրինաբար զրկելը, մանկական տարիքում նրան ստիպողաբար ամուսնացնելը, ապա դաժանորեն սպանելը սահմռկեցուցիչ փաստ է և խոր մտահոգության տեղիք է տալիս»,- ասել է նա։
