Shamshyan.com-ի տեղեկություններով՝ երեկ՝ սեպտեմբերի 15-ին, ոստիկանության Մալաթիայի բաժին է դիմել Երևանի բնակիչ 66-ամյա Հմայակ Ամիրյանը, ով հայտնել է, որ Րաֆֆու փողոցի 39/1 հասցեում շինարարական աշխատանքներ կատարելու հետ կապված իր հետ վիճաբանության մեջ է մտել Երևանի բնակիչ, 69-ամյա Հովաննես Հունանյանը:
Ոստիկանություն ահազանգած Հ. Ամիրյանը նույնպես նախկին ոստիկանության ծառայող է, իսկ այժմ աշխատում է «Առյուծ արքա» ՍՊԸ-ի հիմնադիր տնօրեն, ով Րաֆֆու փողոցի 39/1 հասցեում շինարարական աշխատանքներ է կատարում և, ըստ Հ. Հունանյանի, նա ապօրինի մտել է իր աղջկան պատկանող տարածք և ինքը նրան հորդորել է, որպեսզի իր աղջկա տարածքում շինարարական աշխատանքներ չկատարվի, ինչից հետո Հ. Ամիրյանը ահազանգել է ոստիկանություն:
Լրատվականի տեղեկություններով՝ այսօր՝ սեպտեմբերի 16-ին, Հ. Հունանյանը ինքնակամ ներկայացել է ոստիկանության Մալաթիայի բաժին:
