Կրակոցներ՝ Երևանի կենտրոնում

Hraparak .am -ի տեղեկություններով,այսօր երեկոյան քաղաքի կենտրոնում դարձյալ կրակոցներ են հնչել: Այս անգամ դրանք հնչել են Ամիրյան փողոցի` դեպի Սարյան հատվածում, ԱԱԾ Երևանի վարչության դիմաց: Մեզ ասացին, որ կրակել են 01 LN 015 պետհամարանիշով սև Mazda 6 մակնիշի ավտոմեքենայի միջից: Մեքենան, նախնական տեղեկությամբ, ոստիկանության պաշտոնյայի է պատկանում: Ասացին` կրակել են ինչ-որ քաղաքացու ոտքին:

Այս պահին դեպքի վայրում աշխատում են քրեագետները, որոնք ժապավենով փակել են տարածքը: Քիչ հեռու կայանած է նաև նշված Mazda 6-ը: Մեզ հայտնեցին նաև, որ քիչ առաջ մի տղամարդու տարան ոստիկանները, որոնք քաղաքացուն ասել են, թե թող չանհանգստանա` իր անվտանգությունը կապահովեն: Հավանաբար տղամարդը ականատես է եղել: