2021թ․ հոկտեմբերի 6-ին, ՀՀ փաստաբանների պալատի և ՄԱԿ-ի Փախստականների հարցերով գերագույն հանձնակատարի գրասենյակի հետ համագործակցության շրջանակներում տեղի է ունեցել հերթական քննարկում-հանդիպումը: Այս մասին հայտնում են Փաստաբանների պալատից։
Քննարկմանը մասնակցել են ՄԱԿ-ի փախստականների գործակալության իրավաբանական բաժնի ղեկավար՝ Անդրեյ Արյուպինը, ՀՀ Փաստաբանների պալատի և ՀՀ փաստաբանական դպրոցի ներկայացուցիչները:
Հանդիպման ընթացքում քննարկվել են արդեն իսկ առկա ծրագրերը, ինչպես նաև նախանշվել են ապագա համագործակցության հնարավորությունները:
Քննարկման արդյունքում համաձայնություն է ձեռք բերվել փաստաբանների համար մշակել վերապատրաստման ծրագրեր՝ փախստականների իրավունքների պաշտպանության թեմատիկայի շրջանակներում:
