Ադրբեջանի Հանրապետության նախագահ Իլհամ Ալիևն արդեն Վրաստանում է։ Նրա ինքնաթիռը րոպեներ առաջ վայրէջք է կատարել Թբիլիսիի միջազգային օդանավակայանում, որտեղ կայացել է դիմավորման պաշտոնական արարողությունը։ Այս մասին գրում է Грузия Online-ը։
Նշվում է, որ օդանավակայանում Ադրբեջանի նախագահին դիմավորել են Վրաստանի արտաքին գործերի նախարար Իլյա Դարչիաշվիլին, Ադրբեջանում Վրաստանի արտակարգ և լիազոր դեսպան Զուրաբ Պատարիձեն և Վրաստանում Ադրբեջանի Հանրապետության արտակարգ և լիազոր դեսպան Ֆաիգ Գուլիևը։
Աշխատանքային այցի շրջանակում նախատեսված է Իրակլի Ղարիբաշվիլիի և Իլհամ Ալիևի աչքառու հանդիպումը, որից հետո Վրաստանի վարչապետը և Ադրբեջանի նախագահը հանդես կգան մամուլի համար համատեղ հայտարարություններով։
Իլհամ Ալիևը Վրաստան է ժամանել կառավարական պատվիրակության հետ։
