UFC-ի թեթև քաշային կարգի դասակարգման առաջին համար` Արման Ծառուկյանը, կրկին խոսել է նույն քաշային կարգում գործող չեմպիոն Իսլամ Մախաչևի հետ հնարավոր մենամարտի մասին։
«Դա միանգամայն հնարավոր է, եթե Իսլամը չտեղափոխվի միջին քաշային կարգ։ Եթե նա որոշի մնալ այս քաշային կարգում, ապա վստահ եմ, որ մենք նորից կհանդիպենք»,- ասել է Ծառուկյանը Nika Kelekhsaev Youtube-յան ալիքի եթերում։
Հիշեցնենք, որ հունվարին Ծառուկյանն ու Մախաչևը պետք է մենամարտեին UFC-ի չեմպիոնական գոտու համար, սակայն Արմանը մեջքի վնասվածքի պատճառով դուրս եկավ պայքարից։
