Ադրբեջանի նախագահի օգնական Հիքմեթ Հաջիևը հանդիպել է Միացյալ Թագավորության պաշտպանության նախարարությունում պաշտպանության պետական նախարար Վերնոն Կոքերի հետ։
Այս մասին «X» սոցիալական ցանցում հայտնել է Միացյալ Թագավորությունում Ադրբեջանի դեսպան Էլին Սուլեյմանովը։
«Շնորհակալություն, պարոն նախարար, Միացյալ Թագավորության պաշտպանության նախարարությունում Ադրբեջանի նախագահի օգնականի ջերմ ընդունելության համար»,- գրել է դիվանագետը։
Նրանց հանդիպման հետ կապված այլ մանրամասներ հայտնի չեն:
