ՀՀ գյուղատնտեսության նախարարությունը երեկ հայտարարություն էր տարածել, որում ասվում էր, որ 2017 թվականի հունվարի 1-ի դրությամբ 20 վերամշակող ընկերություն 2015-2016 թվականներին գնված պտուղբանջարեղենի և խաղողի դիմաց գյուղացիական տնտեսությունների նկատմամբ ունեցել են 1 մլրդ 611.2 մլն դրամի չկատարված պարտավորություն:
2017 թվականի ապրիլի 7-ի դրությամբ 6 ընկերություն ամբողջությամբ կատարել են պարտավորությունները, իսկ մնացած 14 ընկերությունների չկատարված պարտավորությունները կազմում են 452.5 մլն դրամ:
Vesti.am-ը նախարարությունից ձեռք բերեց այն ընկերությունների ցանկը, որոնք պարտավորություններն ամբողջովին կատարել են, և որոնք դեռևս պատք են գյուղացիներին: Պարզվում է` գյուղացիներին պարտք մնացած մի քանի ընկերությունների սեփականատերն ու տնօրենները 2017 թվականի խորհրդարանական ընտրություններին նույնիսկ առաջադրվել են որպես պատգամավորի թեկնածու, որոշներն էլ նախկին պատգամավորներ ու նախարար են եղել: Փաստորեն, նրանք ընտրարշավի համար գումար ունեն, բայց գյուղացիների պատքը վճարելու՝ ոչ:
«Արենի վայն» ընկերության տնօրենը Միքայել Գրիգորյանն է, ով խորհրդարանական ընտրություններին մասնակցում էր «Հայկական վերածնունդ» կուսակցությունից:
«Ելք» դաշինքից առաջադրված Ռազմիկ Թևոնյանը «Երասխի» գինու գործարանի տնօրենն է:
«Արտաշատի պահածոների գործարան» ԲԲԸ-ն պատկանում է նախկին գյուղնախարար Սերգո Կարապետյանի որդուն` Վաչագան Կարապետյանին: Հիշեցնենք, որ հենց Սերգո Կարապետյանն էր, որ իր մոտ էր հրավիրել խաղող վերամշակող ընկերությունների ներկայացուցիչներին ու հորդորել մինչև սահմանված ժամանակացույցը գյուղացիների ամբողջ պարտքը վճարել:
«Վինար» ՍՊԸ-ի սեփականատերը ԲՀԿ-ական նախկին պատգամավոր Կարո Կարապետյանն է՝ Յուվեցի Կարոն:
«ՎԱՆ-777» ՍՊԸ հիմնադիր տնօրեն Միհրան Մանասերյանը Արարատի մարզի Տափերական համայնքի ղեկավարն է:
ՑԱՆԿ
2015-2016 թվականներին մթերված խաղողի և պտուղբանջարեղենի դիմաց վճարման պարտավորություն ունեցող ընկերություններ
| 1. | «Վինար» ՍՊԸ |
| 2. | «Արենի վայն» ՍՊԸ |
| 3. | «Մարան» ՍՊԸ |
| 4. | «Բորոդինո» հայկական պահածոների գործարան ՍՊԸ |
| 5. | «Իջևանի գինու գործարան» ԲԲԸ |
| 6. | «Արմենիա վայն» գործարան ՍՊԸ |
| 7. | «Երասխի գինու գործարան» ՍՊԸ |
| 8. | «Տավինկո» ՍՊԸ |
| 9. | «Վան 777» ՍՊԸ |
| 10. | «Արեգակ» ՍՊԸ |
| 11. | «Ինտերալկո» ՍՊԸ |
| 12. | «Էդվագ գրուպ» ՍՊԸ |
| 13. | «Արտաշատի պահածոների գործարան» ԲԲԸ |
| 14. | «Եվրոթերմ» ՓԲԸ |
2017 թվականի հունվարի 1-ից հետո պարատավորություններն ամբողջությամբ կատարել են հետևյալ ընկերությունները.
| 1. | «Սիսավանի գինու գործարան» ՍՊԸ |
| 2. | «Շատո Առնո» ՍՊԸ |
| 3. | «Սամկոն» ՍՊԸ |
| 4. | «Պռոշյանի կոնյակի գործարան» ՍՊԸ |
| 5. | «ՄԱՊ» ՓԲԸ |
| 6. | «Մաթևոսյան վայն» |
esti.am
