Թեհրան կատարած աշխատանքային այցի ընթացքում Ադրբեջանի վարչապետ Ալի Ասադովը հանդիպել է Իրանի առաջին փոխնախագահ Մոհամմադ Ռեզա Արեֆի հետ։
Այս մասին հայտնում է նախարարների կաբինետի մամուլի ծառայությունը։
Հանդիպմանը քննարկվել են ադրբեջանա-իրանական հարաբերությունների ներկա վիճակը, ինչպես նաև համագործակցության հեռանկարները տնտեսական, առևտրային, ներդրումային, տրանսպորտի և տարանցման, նավթի և գազի, էներգետիկայի և հումանիտար ոլորտներում:
Վերանայվել է ավտոմոբիլային և երկաթուղային հաղորդակցությունների հաստատման, Իրանի տարածքով Ադրբեջան-Նախիջևան տրանսպորտային ենթակառուցվածքի կառուցման, Հյուսիս-Հարավ տրանսպորտային միջանցքի զարգացման և այլ նախագծերի իրականացման ընթացքը։
Քննարկվել են նաև Կասպից ծովում բնապահպանական իրավիճակի բարելավման, ծովի աղտոտման կանխարգելման, ինչպես նաև Կասպից ծովի ավազանում համագործակցության հետ կապված մի շարք այլ հարցեր։
