Ամեն ինչ սկսվեց իրեն շա՜տ մեծ համարողի կողմից Վազգեն Սարգսյանի դիակապտության (կներեք) փորձից: Այս մեծապատիվ…(շարունակությունը՝ Հակոբ Պարոնյան) «մեծությունը», իր կարծիքով, համեմատական է իր ունեցած «քսակի» մեծությանը: Իրականում նա ճշմարիտ է. աշխարհի բանն է այդպես: Իսկ նրա քսակը…Լավ չէ, երբ ամեն մեկը սկսի զբաղվել ուրիշի ունեցվածքի հաշավառմամբ: Դրա համար, փառք Աստծո, ստեղծվել է համապատասխան մարմին:
Մյուսը, ով ժամանակին, մինչև 2018 թվականի հեղաշրջումը, իրական ազգային արժեհամակարգով է առաջնորդվել, դրանից հետո դեն նետեց այդ «կապանքը» և սկսեց «քայլել», մինչև խորհրդարան: Այստեղ պարզվեց, որ «Դանիո արքայությունում» ինչ-որ բան այնպես չէ. նրան մեկընդմերթ զգացնել էր տալիս իր արյան մեջ դեռևս չվերացած ազգային արժեհամակարգի «վիրուսը»:
Հիմա, ըստ էության, եթե դիտարկելիս լինենք ժամ առ ժամ վերացող բարոյականության սկզբունքներով, հանդիպել են երկու «մեծություններ»՝ արժեհամակարգը շահարկող և ունեցվածքը մարդկանց աչքը մտցնող:
Ինչպես չասես՝ փոքրի փոքրության փոքրությունը:
Hraparak.am
