hraparak.am-ը գրում է, որ Երևանի «Հարսնաքար» ռեստորանում տեղի է ունեցել ՀՀ ոստիկանապետ Վահե Ղազարյանի եղբոր՝ Հայկ Ղազարյանի դստեր՝ Հայկուհու հարսանյաց հանդեսը: Մեզ պատմեցին, որ վարչապետ Նիկոլ Փաշինյանն իր տիկնոջ և ավագ դստեր հետ միասին մասնակցում է ոստիկանապետի եղբոր դստեր հարսանիքին: Պարզվում է՝ Նիկոլ Փաշինյանի վախերը հարսանիքի հյուրերին շոկի են ենթարկել:
Կայքին պատմեցին, որ հրավիրվածներին անխտիր անվտանգության աշխատակիցները մանրամասնորեն զննել են, անգամ պետքարան գնալու համար հրավիրվածները «մեծ փորձությունների» միջով են անցել, քանի որ անվտանգության աշխատակիցներն ամեն քայլափոխի հսկել են նրանց: Տպավորություն է եղել, որ Նիկոլ Փաշինյանը Ղազարյանի եղբոր դստեր հարսանիքին պոտենցյալ նաիրի հունանյաններ է փնտրել:
