«Հայրենիքում երկու հատված կա, որտեղ միշտ ամուր կանգնել եմ իմ կրունկներին՝ մեկը Գյումրին է, մյուսը՝ Շուշին։ Ես «էր»-ով չեմ խոսում։ Շուշին լինելու է մեր Հայրենիքի անբաժան մասը, վստահ եմ։ Գյումրին սիրելով եմ Շուշիի հետ կապվել։ 2019թ․-ին Շուշիում անցկացրեցինք մկրտության արարողություն,երբ մտրկում էինք Ապրիլյան պատերազմում զոհված մեր ընկերների երեխաներին, քույրերին, եղբայրներին, մեր մեջ այդ պահից սկսած մեծ պատասխանատվության զգացում առաջացավ, որն իմ մեջ մնալու է այնքան ժամանակ մինչև մեր հոգու խորքում տված խոստումը կարողանանք իրականացնել»,- իր ելույթում ասաց Մխիթարյանը ։
Մխիթարյանն ընդգծեց, որ խոստումներից է՝ Գյումրին զարգացած ու վերակառուցված տեսն
Անդրադառնալով ուսանողներին ամենից շատ հետաքրքրող հարցին՝ Գյումրիի զարգացման ծրագրերին, Մխիթարյանը նշեց․ «Մեր համար Գյումրին մի միջավայր է, որտեղ պետք է անդադար տեղի ունենան միջոցառումներ։ Ունենք հրաշալի պրակտիկա Գյումրիում, երբ 2019թ․-ին անցկացրեցինք Գյումրիում Վարդավառը։ Շատ փոքր միջոցներով՝ ընդամենը 2000 դոլար ծախսելով, կարողացանք 6000 մարդ բերել Գյումրի , որոնք ենթադրվում է, որ հյուրանոցում մնալով, սրճարաններ գնալով քաղաքում են թողել մոտ 600 հազար դոլար փող»։
Մխիթարյանը պատկերացնում է Գյումրին անդադար իրադարձություններով լեցուն։
«Պատկերացրեք,մինչև ցրտերի սկսվելու ժամանակահատվածը 6,5 ամիս է։ Մենք մտածել ենք, որ այդ ժամանակահատվածում պետք է տեղի ունենա 10 իրադարձություն, ոչ թե մեկ անգամ Վարդավառ կամ քաղաքի տոն, այլ տասն իրադարձություն, որոնք իրենց տեսակով, բովանդակությամբ, մարքեթինգային խոդերով պետք է ավելի շատ զբոսաշրջիկ բերեն»,- ասաց Մխիթարյանը՝ հավելելով․
«Եթե մարդը մեկ կամ երկու անգամ էր գալիս Գյումրի, այն էլ՝ մեկ կամ երկու օրով, իսկ եթե հիմա մենք չորս անգամ փորձես բերել և օրերի քանակությունը դարձնես 16, ինքներդ կարող եք հաշվել,թե տնտեսական ինչ էֆետկ է թողնելու քաղաքի վրա»:
Ավելի մանրամասն՝ տեսանյութում։
։
