«Հանձնե՛ք ձեր զենքերը և վայր դրե՛ք դրանք, քանի դեռ ուշ չէ»,-ասել է Սիրիայի նախագահ Ահմեդ ալ-Շարաան Բաշար Ասադի կողմնակիցներին ուղղված հայտարարության մեջ։
«Սիրիան մնում է միասնական՝ արևելքից արևմուտք, հյուսիսից հարավ։ Եթե սիրիական թեկուզ մեկ նահանգ տուժի, մնացած բոլորը կկանգնեն ի պաշտպանություն: Եթե թեկուզ մեկ գավառ վիրավորվի, ողջ ժողովուրդը համերաշխ կկանգնի իր պատիվն ու արժանապատվությունը պաշտպանելու համար։ Ընկած ռեժիմի մնացորդներին հիշեցնում եմ, որ մենք ձեզ հետ կռվել ենք ազատագրական պայքարում, նույնիսկ երբ դուք փորձեցիք մեզ սպանել։ Մեր նպատակը ձեր ավերած երկիրը վերականգնելն է։ Մենք արյան ծարավ չունենք։ Ափամերձ հակամարտությունների գոտիներում գտնվող մեր ժողովուրդը մեր ազգի անբաժան մասն է, և մեր պարտքն է պաշտպանել նրանց։ Չնայած մեր հանդիպած դավաճանություններին, պետությունը կմնա քաղաքացիական խաղաղության երաշխավորը։ Հանձնեք ձեր զենքերը և վայր դրեք դրանք, քանի դեռ ուշ չէ»,-ասել է Սիրիայի նախագահը:
